КХШТ тинчликпарвар кучлари Арманистонга кирадими?
КХШТ тинчликпарвар кучлари Арманистонга кирадими?
Коллектив хавфсизлик шартномаси ташкилоти (КХШТ) тинчликпарвар контингентини Арманистонга юбориш ҳозирча кун тартибида эмас. Бу ҳақда КХШТ Бирлашган штаби раҳбари, генерал-полковник Анатолий Сидоров маълум қилди.
“Келинг, ўзимиздан олдинга бормайлик. 13 сентябрь куни давлатларимиз раҳбарлари бир овоздан Арманистон ва Озарбайжон ўртасида мавжуд бўлган бу муаммони сиёсий ва дипломатик усуллар билан ҳал этиш зарурлигини таъкидладилар. Яъни, ҳарбий куч ишлатиш, шунингдек, КХШТ (кучлари)ни мамлакатга киритиш на 13 сентябрда, на кеча, на бугун ва менимча, яқин келажакда гап бўлиши мумкин эмас”, дейди Сидоров.
Шунингдек, у томонлар ўт очишни тўхтатиш бўйича келишиб олганини, бу келишувга риоя қилинаётганини таъкидлаган.
“Шунинг учун биз умид қиламизки, жараёнлар шу тарзда – тинч йўл билан, қурол ишлатмасдан ҳал қилинади”, дея қўшимча қилган штаб раҳбари.
