Лавров: Афсуски баъзи Ғарблик ҳамкасбларимиз ўзларининг худбинликларини давом эттиришмоқда

Лавров: Афсуски баъзи Ғарблик ҳамкасбларимиз ўзларининг худбинликларини давом эттиришмоқда

Россия Ташқи ишлар вазири Сергей Лавров 24 феврал куни БМТнинг Хавфсизлик Кенгашида нутқ сўзлаб, баъзи бир Ғарб мамлакатларини ҳозирги коронавирус пандемияси даврида юзага келган муаммоларни ҳал қилиш учун бирлашмаётганликда айблади. Шунингдек, Лавров уларнинг пандемия пайтида иқтисодий санксияларни бекор қилишмаётганини қаттиқ танқид қилган.

«Афсуски, пандемия ва бирлашиш заруриятига қарамай, баъзи Ғарблик ҳамкасбларимиз ўзларининг худбинликларини давом эттиришмоқда. Улар қўрқитиш ва босим қилишнинг ноқонуний усулларидан воз кечишмаяпти», дейди Лавров видео орқали қилган мурожаатида.

Россия Ташқи ишлар вазири Ғарб давлатларини «пандемиядан фойдаланиб, ўзлари ёқтирмаган ҳукуматларини жазолашни истаётганлик» да айблади.

Шу ҳафта бошида Европа Иттифоқи рус ҳукуматининг мухолифи Алексей Навалнийнинг ҳибсга олиниши сабабли Россиянинг тўрт амалдорига қарши санксиялар қўллашга рози бўлди. Ушбу ҳолат Москва ва Ғарб ўртасидаги муносабатларни янада кескинлаштирди.

Total Views: 139 ,

Добавить комментарий

Россиялик депутат: АҚШ келгуси 20 йил ичида жиддий иқтисодий фалокатга дуч келади

Россиялик депутат: АҚШ келгуси 20 йил ичида жиддий иқтисодий фалокатга...

Закрыть