Туркия АҚШдан  Patriot зенит-ракета тизимларини етказиб беришини сўраган

Туркия АҚШдан  Patriot зенит-ракета тизимларини етказиб беришини сўраган

Туркия миллий мудофаа вазири Ҳулуси Aкар AҚШ Суриянинг Идлиб вилоятидаги вазият туфайли Aнқарага ёрдам сифатида республикага (ЗРК) Patriot зенит-ракета тизимларини етказиб бериши мумкинлигини айтди.

"Қўшма Штатлар бизни Идлибда қўллаб-қувватлашини айтмоқда. У ерда Aмерика қўшинларининг пайдо бўлиши ҳақида гапирмаяпмиз. Бизга ЗРК Patriot ҳаво мудофааси ракета тизимлари шаклида ёрдам кўрсатилиши мумкин", деди у 21 февраль куни CNN Turk телеканалига берган интервюсида.

Туркия Мудофаа вазирлиги раҳбари Россиядан сотиб олинган С-400 зенит-ракета тизимлари эксплуатация қилинишини айтган. "Биз ўйин қоидаларига принциплар асосида ёндошамиз. Президентимиз тегишли жавобни берди ва С-400 ни қабул қилди. С-400 ҳеч кимда шубҳа уйғотмаслиги керак. Ишлар тахминан апрель ойларида бошланади", деди у.

Вазир, шунингдек, Сурияда "қонуний сайловлар" ўтказилгандан кейингина Туркиянинг қуролли кучлари у ердан чиқарилишини ҳам истисно қилмади. "Конституция бўлади, қонуний сайловлар ўтказилади, қонуний ҳукумат келади, демократик давлат пайдо бўлади, кейин ҳамма ҳамма жойини эгаллайди ва биз буларни, албатта, қиламиз. Демократик лидерлик бўлса, Туркия чиқиб кетади", дея таъкидлаган Ҳулуси Aкар.

"Бизда Россияга қарши туриш ниятимиз ҳам, мақсадимиз ҳам йўқ. Биз буни олдини олиш учун барча саъй-ҳаракатларни қилишимиз керак. Идлибда энг асосий масала бу Асад режими аввалги сулҳ шартларига риоя қилишидир", деди Мудофаа вазири.

Total Views: 234 ,

Добавить комментарий

АҚШ Давлат котиби Саудия Арабистонига борди

АҚШ Давлат котиби Саудия Арабистонига борди АҚШ Давлат котиби Майк...

Закрыть