Тунисда президент фармони билан комендантлик соати жорий этилди
Тунисда президент фармони билан комендантлик соати жорий этилди
Тунис президенти Қайс Саиднинг фармони билан мамлакатда комендантлик соати жорий этилди. Соат 19:00 дан 06:00 гача амал қиладиган ушбу тартиб 27 августгача давом этади.
Бош вазир Ҳишом Машишийни ишдан олган президент душанба куни халққа мурожаат қилиб, ушбу қарор давлат тўнтаришига уриниш эканлиги ҳақидаги айбловларни рад этди.
“Халқ учун энг катта хавф ички беқарорликдир”, – деди у.
Қайс Саид бош вазирни коронавирус эпидемияси ва иқтисодиётни яхши бошқара олмагани учун вазифасидан озод қилганини билдирди. Бундан ташқари, у Мудофаа ва Адлия вазирларини ҳам ишдан олди, парламент фаолиятини ўттиз кунга тўхтатди ва депутатларнинг дахлсизлиги бекор қилди. Президентнинг ушбу қарорлари норозилик намойишларига сабаб бўлди.
Душанба куни аскарлар парламенти ўраб олди ва спикер Рашид Ғаннушийнинг ичкарига киришига рухсат бермади. Ғаннуший Тунис ҳукуматини ёмонотлиқ қилишда Бирлашган Араб Амирликлари оммавий ахборот воситаларининг ҳиссасси борлигини таъкидлади.