Путин Россия конституциясини ўзгартиришни таклиф қилди

Путин Россия конституциясини ўзгартиришни таклиф қилди

Путиннинг сўзларига кўра, у 1993 йилда қабул қилинган конституция ўрнига янгисини ишлаб чиқишга зарурат кўрмаяпти, шу билан биргаликда, у мамлакатнинг асосий қонунига айрим ўзгартиришлар киритиш зарур деб ҳисоблайди.

Конституцияни ислоҳ қилиш бўйича

  • Мамлакатда 25 йилдан кам бўлмаган вақт мобайнида яшаган ва ҳеч қачон хориж фуқаролигини ёки хорижда вақтинчалик яшаш ҳуқуқини олмаган шахслар Россия президентлигига сайланиши мумкин.
  • РФ регионлари раҳбарлари, парламент, ҳукумат аъзолари ва судьялар ҳам бошқа давлат ҳудудида доимий яшашга рухсат берувчи ҳужжатга эга бўлмаслиги даркор.
  • Президент лавозимини бир киши кетма-кет икки мартадан ортиқ эгаллаши мумкин эмаслиги борасидаги меъёрни ўзгартириш мумкин.
  • Бош вазир, унинг ўринбосарлари ва вазирларни давлат думаси тасдиқлаши лозим.
  • Президент давлат думаси томонидан тасдиқланган номзодларни рад қила олмайди, аммо бош вазир, унинг ўринбосарлари ва вазирларни бўшата олади.
  • Куч ишлатиш органлари раҳбарлари ва ҳудудий прокурорларни тайинлашда президент федерация кенгаши билан маслаҳатлашиши шарт бўлади. Бу тузатишлар бўйича умумхалқ овоз бериш жараёни ўтказилиши лозим.

Ушбу таклифлар ортидан бош вазир Дмитрий Медведевнинг ҳукумати тўлиқ таркибда истеъфога чиқди. Путин Медведев учун Хавфсизлик кенгаши раиси ўринбосари лавозимини таклиф қилди.

Аввалроқ Путин матбуот анжумани давомида конституцияга ўзгартириш киритиш зарурати бор-йўқлиги тўғрисида берилган саволга жавобан президент ҳокимияти муддатини чеклаш тўғрисидаги моддадан «кетма-кет» деган сўзни олиб ташлашни, шу тарзда икки марта сайланган собиқ президентнинг Кремлга қайтишини имконсиз қилиб қўйишни таклиф қилганди.

Конституцияга кўра, бир киши президент лавозимини кетма-кет икки мартадан ортиқ эгаллаши мумкин эмас, аммо иккинчи муддатдан кейин орада танаффус бўлса, учинчи ва тўртинчи муддатга сайланиши мумкин.

Total Views: 334 ,

Добавить комментарий

АҚШ ва Хитой биринчи босқич савдо келишувини имзолади

АҚШ ва Хитой биринчи босқич савдо келишувини имзолади АҚШ президенти...

Закрыть