Нарендра Моди: Бомбалар, ракеталар тинчликни таъминлай олмайди
Нарендра Моди: Бомбалар, ракеталар тинчликни таъминлай олмайди
Ҳиндистон бош вазири Нарендра Моди Россия президенти Владимир Путин билан учрашувда унинг мамлакати Россия ва Украина ўртасида тинчлик ўрнатишда ҳар қандай ёрдамга тайёр эканини айтди.
"Дўстингиз сифатида мен сизларга доимо тинчлик авлодларнинг порлоқ келажаги учун зарур эканлигини айтиб келганман. Ечим уруш орқали бўлиши мумкин эмас. Бомбалар, ракеталар ва милтиқлар тинчликни таъминлай олмайди. Биз мулоқотга урғу берамиз", дейди Моди.
Моди Путин билан суҳбат чоғида унинг позициясини ва унинг “ижобий фикрларини” эшитганини таъкидлаган. Ўз навбатида Путин Модига Украина инқирозини тинч йўл билан ҳал қилишга уринишлари учун миннатдорчилик билдирган.
Ҳиндистон бош вазири 8 июль куни икки кунлик ташриф билан Москвага келган. Ҳиндистон ОАВга кўра, у Украинадаги урушда алданиб қолган ҳиндистонлик фуқароларни Россия армияси сафидан четлаштириш борасида Путин билан келишиб олган.
