Қирғизистон элчиси: Ўзбекистон Қамбарота ГЭС-1 қурилишида иштирок этади

Қирғизистон элчиси: Ўзбекистон Қамбарота ГЭС-1 қурилишида иштирок этади

Ўзбекистон ва Қирғизистон Қамбарота ГЭС-1 қурилиши лойиҳасини биргаликда амалга ошириш бўйича аниқ қадамларни муҳокама қилишда давом этмоқда. Бу ҳақда Қирғизистоннинг Ўзбекистондаги элчиси Дониёр Сидиқов журналистлар билан учрашувда маълум қилган.

«Ўзбекистон Қамбарота ГЭС-1 қурилишида иштирок этади. Бу келишув қоғознинг ўзида қолгани йўқ, балки амалий жиҳатдан бажарилмоқда. Бу лойиҳа бўйича ишчи гуруҳи Тошкентда ўзининг илк йиғилишини ўтказди ҳамда қўшма қадамларни белгилаб олди», — дея таъкидлаб ўтган элчи Дониёр Сидиқов.

Унинг фикрига кўра, бу минтақавий миқёсдаги катта лойиҳа бўлади, унда барча масалаларни ҳал этиш, ўзаро консенсусни таъминлаш ва томонлар манфаатини эътиборга олиш лозим. Шунинг учун ишчи гуруҳ, дея қайд этди элчи, ҳозирда аниқ қўшма қадамларни муҳокама қилишда давом этмоқда.

«Менинг ўйлашимча, Ўзбекистон лойиҳада ҳам технологик жиҳатдан, ҳам ресурслар билан иштирок этиши мумкин», — дея таъкидлаб ўтди дипломат.

Октябрь бошида «Ўзбекгидроэнерго» ва Қирғизистоннинг «Миллий энергетика ҳолдинг компанияси» Қамбарота ГЭС-1 қурилиши лойиҳасини амалга ошириш соҳасидаги ҳамкорлик бўйича меморандумни имзолади.

Total Views: 2338 ,

Добавить комментарий

Тожикистонда кекса ота-онасига қарашдан бош тортувчилар озодликдан маҳрум этилади

Тожикистонда кекса ота-онасига қарашдан бош тортувчилар озодликдан маҳрум этилади Тожикистон...

Закрыть