Грузия Россия билан дипломатик алоқаларни тикламоқчи
Грузия Россия билан дипломатик алоқаларни тикламоқчи
Грузия ва Россия расмийлари дипломатик муносабатларни тиклаш жараёнини бошлашди, Тбилиси Грузиянинг Москвадаги элчихонаси учун ходим йиғишни бошлаб юборди, дея хабар қилди мухолифатдаги Mtavari Arkhi телеканали ўз манбаларидан олинган маълумотга таянган ҳолда.
Телеканалнинг “Кремлга яқин” суҳбатдошлари “Грузия орзуси” ҳукмрон партияси бу каби режаларни рад этаётганини билдиришган, Грузия ҳукумати вакиллари эса элчихонанинг очилишига оид хабарни асоссиз, деб аташмоқда.
“Ҳаммаси Россия билан тўғридан-тўғри авиаалоқанинг тиклангани, Грузия фуқаролари учун виза тартиби бекор қилингани ва [“хорижий агентлар тўғрисида”ги] Россия қонунининг қабул қилганига ўхшаш сценарий бўйича кетмоқда”, дея қайд этган телеканал.
Грузия расмийларининг янги сиёсати ғарб сиёсатчилари томонидан фаол танқид қилиб келинган. АҚШ Грузиядаги айрим депутат ва мулозимларга қарши виза чеклови жорий қилган, Европа Иттифоқи эса Тбилиси ЕИга кириш учун номзод мақомини йўқотиши мумкинлигини истисно қилмаяпти.
Грузия Россия билан дипломатик алоқаларни 2008 йилда Россия-Грузия урушидан кейин узиб қўйган эди.
