АҚШ Хитойдаги чип ишлаб чиқарувчиларига қарши янги чекловларни жорий этади
АҚШ Хитойдаги чип ишлаб чиқарувчиларига қарши янги чекловларни жорий этади
АҚШ Хитойнинг 140 компаниясига, жумладан, чип ишлаб чиқарувчиларига яримўтказгич микросхемалар етказиб бериш борасидаги чекловларнинг учинчи тўлқинини жорий қилмоқчи, деб хабар беради Reuters.
Қайд этилишича, ушбу чора-тадбирлар Хитойнинг 20 га яқин микросхема ишлаб чиқарувчилари, иккита инвестиция компанияси ва яримўтказгич саноати учун 100 дан ортиқ ускуналар ишлаб чиқарувчиларга тегишли лицензиясиз Америка маҳсулотларини етказиб беришни тақиқлашни ўз ичига олади.
Таъкидланишича, чекловлар Хитойнинг энг йирик чип ишлаб чиқарувчилари — Naura Technology Group, Piotech ва SiCarrier Technology компанияларига ҳам тааллуқлидир.
Бундан ташқари, АҚШ 2020 йилда «қора рўйхат»га киритилган Хитойдаги энг йирик микросхемалар ишлаб чиқарувчи Semiconductor Manufacturing International компаниясига ўз маҳсулотлари сотилиши бўйича қўшимча чекловларни жорий этишни режалаштирмоқда.
Кўрилаётган янги чоралар Малайзия, Сингапур, Исроил ва Жанубий Кореяда ишлаб чиқарилган маҳсулотларга ҳам тааллуқли. Айни вақтда Нидерландия ва Япония учун истиснолар мавжуд, улар АҚШ билан бир қаторда микросхемалар тайёрлаш учун ускуналар ишлаб чиқарувчилар орасида етакчи ўринларни эгаллаб келмоқда.
Чекловлар Байден администрациясининг Хитой янги турдаги чиплардан фойдаланишига йўл қўймасликка қаратилган кенг кўламли саъй-ҳаракатлари доирасида жорий этилмоқда. Бу орқали ХХРнинг ҳарбий соҳада сунъий интеллектни ривожлантириш имкониятларига қаршилик кўрсатилади.
